Örmäk kukalarlan yada gegaylan – en çok kullanan dekorativ incäzanaatı. Unikal işleri kendi ellerinnän Komrat dolayın Kirsovo küüyündän Raisa Çolak yapȇr. Ustanın yaratmalarında individuallıı gözlediler.  

Raisa çolak-4-cü soyda el ustası. İlk örmäk derrslerini o malisindän kavramış. Sevdii işinä örmäk studentlik vakıdında gelmiş. Örmäk ustacılıınnan profesional uurunda Raisa yakın 15 yıl zanaatlanȇr. 

«Sevgili zanaat srudentlik yıllarında peydalandı. Televizor ozaman yoktu. Dinnenmäk günnerindä iplik satın alardım da örärdim pulover, şapka, şarf, noski. Sora sevgili el zanaatım sorumnaa döndüţ te oldu 15 yıl, nicä örerim», — söleer Raisa.

Bizim, 21 asirimizdä, bu el işinä merak kaybelmeer. Büünkü vakıtta örmäk aktual. 

 «Örmäk siirek zanaat, ama aktual. Gençlerimiz örerlär, bekim okadar çok vakıt buna vermeerlär, ama severlär örmä işleri. Bän sa var nicä bütün avşam, bütün da gecä öreyim»,- annadȇr Raisa Çelak.

Gegaylan örülü rubalar, kär interyer tertipleri dä özel gözeliinän ayırılȇrlar. Onnar iki taraflı olȇrlar, gerilmeerlär hem taa sıkı örmektä, söleer usta. 

 «Gegaylan pala, çanta, palto, çarşaf, masa bezlerini var nicä örmää hem gegaylan örmäk için taa çok shema», —nışanȇȇr usta.

Raisa çok türlü tehnikalarını hem ruba modellerini örmää denemiş. Ustanın herbir el işi tekrarlanmaz. Rubalar ustanın elerindä bütünneşik olȇrlar.

 «Bitki yıllar rubalar. Angılarını örerim, dikişsiz ölȇrlar. Başlȇȇrım boynudan da taa bitirncä düz örerim»,- çizgiledi o.

El örmesi-çoktankı incäzanaat, gözäl hem tekrarlanmaz. Ona Raisa Çolak kendi serbest vakıdını baaşlȇȇr.