Moldovada var nicä yasak etsinnär elektron ţıgaraların kullanmasını hem tütün kızdırtmasında sistemnerini cümnä merkezlerin terassalarında . Avtobus durmaklarında hem  dinnenmek erlerdä. Diişilmekleri «Tütünün üstünä kontrol etmek» kanona eklemää isteer Saalık Koorumak ministerlii, kanon proekti milli kanţeläriyädä bulunȇr.

Laf gider tütünün üstünä kontrol etmek . Cümnäylän hem biznez uurundan insannarlan lafetmeklär  geçirildilär.Bundan kaarä biz kablettik ministerliktän ii çıkışları bu uurda,da dokument  devlet kanţeläriyäsindä bulunȇr.

Bizim teklifimiz – cümnä erlerini kontrol etmää: terassaları,avtobusların durmak erlerini hem açık erleri.Büük yalan,ani elektron ţigaraları yada kızgın tütün diil okadar zararlı nekadar baska ţigara.

«Kanon proekti taa yasak edecek doktorlara reklama yapmaa elektron ţıgaralara, neçinki Moldovadan doktorların bir boyu katılmışlar tütün shemalarına sınır aşırıda», — nışannadı Saalık koorumak ministerliin başı Ala Nemerenko.

Bundan kaarä ministru açıkladı, ani 2026 yıldan Moldovada yasak edeceklär kokuluklarlan ţigaraları.

«Limon, çilek, kara naanä daadları çeker insanın ilgisini, da var nicä içsinnär taa çok tütün, bu iş taa da korkulu. 2026 yıldan kokulu elektron ţigaralarını satmayaceklar devlettä, neçinki gençleri çekerlär.Bizdä var cuvapçılık gelän evlad boyları için, dooru soţial götürmesini,neçinki passiv ţigara çekmesi hep ölümnerin büük sayısına getirer.Ţigara çekän insannara lääzım sade birkaç adım yapsınnar bir tarafa. Şindiya kadar durardı nışan yanar ţigarada, şindi sa teklif ederiz cümnä erlerdä hepsi ţigaraları yasak etmää», — urguladı saalık koorumak ministerliin başı.