Onnar kim yaşȇȇr kasabada, ama işleer başka küüdä yada kasabada, kabledeceklär posobiyaları yol parası için. Üstiţiya minesterlii işlettirdi kanon proektini, angısına görä avukatlara hem savcılara soţiyal garantiyaları verileceklär.

Posobiyalar ödeneceklär hem te onnara, kim her gün lääzım yola çıksın, hem da onnara kim ev tutȇr o kasabada, neredä işleer. Ama posobiyayı kabletmää deyni yaşamak erindän çalışmak erinä kadar een azdan 20 kilometra lääzım olsun. Kanon iniţiyativanın avtorları söleerlär, ani butakım uzak erlerdän prokurorlar hem sudyalar taa havezlän pay alacȇklar konkurslarda üüridik görevlerinä vakansiyalarını doldurması için.