Açmaa Gagauziyada üüsek uurda sportçuların hazırlanmasında merkezi- bölä iniţiativaylan çıktı GHT deputatı Nikolay Dudoglo. O çok yıl sıravardır serbest güreşmektä sportçuları hazırlȇȇr, angılar Moldovayı andırȇrlar türlü dünnäarası yarışmalarda. O isteer merkez açılsın da orada 40 büük yaştan sportçu kendi becermeklerini ilerletsinnär.
GHT deputatları baktılar soruşu, ki Gagauziyada üüsek uurda sportçuların hazırlanmasında merkez açılsın. Oturuşun süresindä GHT deputatı İvan Dimitroglo teklif etti bu soruşu iş sırasından çıkarmaa, neçin ki oturuşta yoktu Nikolay Dudoglo.
«Siz kendiniz sölersiniz, ani yok lääzımnı dokumentlerin pakedı hem isteersiniz nesoy sa danışmayı bakannık komitetinä doorutmaa. Nicä siz danışaceniz eer yoksaydı birda dokument. Bän sizä annadȇrım, ani kolega yalvardı bu soruşu başka oturuşa geçirmää, ozaman o olacek da hepsini anandacek hem dokumentleri da gösterecek. Eer siz istärsäydiniz hepsini kanona görä yapmaa»,- GHT deputatı İvan Dimitroglo teklif etti.
Gagauziyanın kanon kurucuları teklif ettilär bu soruşlan Bakannık komitetinä danışmaa.
«Bän sayȇrım, ani soruş pek önemni da bakannık komitetinä danışmaa lääzım. Üürenmää neredän finanslanacek sport okulu, nesoy finanslamak sızıntısı da sade bundan sora karar kabledilsin lääzım. Bunu ispokom yapsın lääzım da sora bu soruş derindän açıklansın lääzım»,- GHT deputatı Demyan Karaseni.
«Lääzım adamcilä yapmaa kanona hem proţeduraya görä. Bunun için lääzm seslerimizi verelim. Proţeduraya görä ispolkoma danışsınnar, ispolkom da bizä çıker da belli eder finanslamak sızıntılarını. Bu islää bir tema ideya da islää ama hepsi proţeduraalrı esaba lääzım almaa hem dooru yapmaa»,- GHT deputatı İvan Karaca söledi.
GHT deputatı Vladimir Kıssa haberledi, ani komisiyada soruş Gagauziyada üüsek uurda sportçuların hazırlanmasında merkez açılsın deyni, bakıldı, komisiyanın azaları kararı kablettilär, ki Nikolay Dudoglo danışmayı bakannık komitetina doorutsun, ki sportsmennerin hazırlanmasında merkez açılsın iniţiativa işlettirilsin. Bu iş için deputatların çoyu kendi seslerini verdi.
Avtor: T.Stavilova, operator: A.Glekov, montaj:A.Topal