Pek sıcak havalar getirdilär problemalara su vermesinnän Komratta. Üüsek temperaturaların beterinä  kasabada durguderlar suyu diil sade gecä zamanında, ama gündüz ta.bu beterä insan zorluk çeker hem nışanner ani  suyun yoksuzluu onnarın saalıında gösteriler.   

 Suyun durgutması o bir zamana bir ölçü, angısı giriştiriler sıcak havalların beterinä, nışanner Komrat kasabasının primarı Sergey Anastasov. O haberledi, ani kasabanın hepsi izmetleri işleerlär, ki  insan duymasın zorluk hem da su vermesi taa hızlı kendi rejimindä olsun.

  «Şindi, açan  hava pek  sıcak hepsi kendi aullarını yısleer hem da var taa çok kanona karşı su sistemasına baalanmaklar. Elbetki eer bölä baalanmaklar varsaydı, ozaman aulları var nasıl gecä gndüz yıslamaa. Eer biz  5300kub su çıkarardık şindi 5 bin 800 kub  kasaba için çekerız, ama hep okadar etişmeer. Bir zamana suyu durgudacez taa Pek sıcak havalar   yok olmayınca neçin ki yılamaklar çok olaceklar. Ver Allaa yaamur yaasın ozaman durum diişecek»,- Komrat kasabasının primarı Sergey Anastasov nışannȇȇr.

 Gagauziyanın yaşayannarıkendi bakışlarını açıkladılar zorluklar için angılarını  onnar çekeceklär su durgutmasının beterinä. Herbir bölä olay o denemäk. Çoyu insannardan kendi metodlarınnan paylaştılar nicä suyu arttırmaa hem nicä birzamankı zorlukları geçirmää.

 «Açan suyu  durguderlar bu elbetki problema. Lääızm üürenmää neçin ki türlü krizis olaylar olerlar  da insan lääzım  sınaşabilsin onnara».

 «Diskomfort elbetki. Nicä sussuz yaşamaa. Nicä bölä problemayı çözärdiniz? Çäzmärdik savaşardık. Pınarlar yardım edärdilär».

 «Bu zorluk insan için. Neçin? Neçin ki pek sıcak yakın 50 gradus. O insannar, angılar çok katlı evlerdä yaşerlar bilmeerimn ne yapaceklar. Ama açan pek sıcak su  en pek lääzım. Ama bölä insanı sussuz brakmaao beterä, ani kimsa aullarını yısleer. Bu da lääzımnı, nicä eşillik olacek sussuz?»

«Elbetki, zor. Nicä sussuz. Bölä vakıtta».

  «Bu pek zor su lääzım nicä insana ölä hayvannara da büüntülerä da. Elbetki pınarlar yardım ederlär ama bölä sıcaktan pınarlar da kuruma çekettilär».

  «Bizim yaşamamız suylan baalı biz yıkanerız, imää yapeerız aulları yısleerız. Elbetki insan sussuz pek zor bizim yanımızda pınar var  ondan su alerız eer haberlärsäydilär ani kranda su olmacek». 

 «Bän sayerım ani bu pek prost. İlkin o beterä ani pek sıcak hava da en sıcakta su olmacek. Gecä taa bunu var nicä yapmaa açan indsan uyer, ama gündüz – bän sayerım bu diil normal».

 «Diil zor ama açan suyu kolvererlär o hep okadar soluklan gider. Nesoy sa  işi kolaylerız. Suyulan kapları doldurerız da yavaş yavaş kolaylerız».

  «Zor elbetki, su herzaman lääzım. Eer suyu durgudarsaydılar pinardan su alerız. Eer pınarlar olmaydılar zor olaceydı».

 «Elbetki, zor. Nicä ölä sussuz? Şafk hem su – en lääzımnı izmetlär. Şişilerä su toleerız, kazannara, nesoy sa kolaylerız işi».

 «Elbetki, zor. Nicä kolaylerız?. Var kolonkalar suylan, oradan getireriz».

 «Elbetki, zor bölä sıcak yaz zamanında. Toplamaa suyu lääzım, kaplar içinä da bu zor vakıdı geçirmää. Kimsi sevinmeer bölä işä. Düşünerim, ani primariya da  zorluk çeker». 

 Komrat kasabanın yaşayannarı sussuz kalerlar gündüz saat ondan sabaaylen saat dördädän gündüz hem gecä vakıdında saat onikidän saat altıyadan sabaaylen.

Аvtor: N.Andrieş, оperator: Gr. Stavilov, montaj: А.Тopal